Aizawl: Chief Minister Lal Thanhawla chuan Press mite chu sawrkar khalh ngiltu leh mipui thudik hriattirtu an nih avangin mawhphurhna lian tak an nei tih a sawi. MJA Serchhip district in Zirtawpni kaltaa Annual Conference vawi 10-na, Sub Hqrs. YMA Conference hall a an neih a hmanpuinna ah he thu hi sawiin Chief Minister chuan Press mite chu a siamtha zawng sawrkar sawiseltu tur an ni tiin Press mite chu an chhiar zau a, nasa lehzuala tan an lak a pawimawh niin a sawi. NIAS chungchang sawiin MNF ten LE&IT Minister leh MYC chairman te hnathawk theiloa an siam chu demawm a tih thu a sawi a ni. MJA Serchhip District President C. Lalhminghlua leh MJA General Headquarters aiawha he Conference hmanpuitu General Secretary C. Lalhmachhuana te chuan thu an sawi.