Aizawl: Aizawl a MJA member thenkhatte chuan Zirtawpni leh Inrinni khan Mizoram khawthlang lama PWD hmalakna an tlawh. Press mite hian Zirtawpni khan NH-44(A) siam mek te, Tut lei, Mamit helna kawng siam leh Mamit khaw chhung kawng siam mekte an tlawh a. Chawhnu lamah KDZKT kawng siam mek km 88-a thui an tlawh leh bawk. Press mite hian PWD hnathawh hi tha an ti a, an thawh leh zel turah pawh beiseina sang tak an nei. Nimin khan Press mite hian Bairabi bula Tlawng lei dawh zawh tawh, mahse la hawn loh te, Bairabia rel station leh thermal plant hluihlawn te an tlawh leh bawk.