ZALEN September 17, 2025: Vawiin khan BJP Mizoram chuan an State Conference Hall, Mipui Rûn, Upper Republic-ah Prime Minister Narendra Modi-a piancham pualin, Midang tana luanchhuahna Program "Seva Pakhwada" hman tanna atan Aizawl Civil Hospital Blood Bank tan thisen Unit 35 an pe a, petute hi hmeichhia 2 leh mipa 33 an ni.

Blood Donation Camp buatsaihna a thusawitu BJP State Vice President Malsawmtluanga chuan, "September ni 17, Pu Narendra Modi-a piancham aṭanga October 2, India Ram Zalenna sual chhuaktu Pu Mahatma Gandhi piancham inkar chhunga midang tana luanchhuahna hun neih ah Blood Donation Camp kan Office-ah ngei Civil Hospital Blood Bank-a thawktu te'n thisen an rawn la thei hi kan lawm êm êm a ni."

"Vawiina kan hun hman mek 'Seva Pakhwada' tih awmzia hi, Seva tih hi Selfless Service, Midang tana rawngbawlna tihna a ni a, Pakhwada tih chu Fortnight emaw kar hnih emaw tihna a ni a, chutiang chuan tunah hian midang tana luanchhuahna Programme BJP Mizoram chuan kan kalpui mek a ni," a ti.