Aizawl: Mizoram Governor atana ruat thar Kummanam Rajesekharan chu an duh loh thu PRISM Party chuan an sawi. Nimina thuchhuah an siamah PRISM chuan 'Governor thar tur hi RSS mi leh sa, VHP leh Hindu Aikya Vedi-ah pawh a sulsutu zinga tangpha a nih avangin kan rama awmah inhmeh kan ti lo va. Hei bakah hian politic a inhmang lai anih avangin leh election kan hmachhawn mai dawn avangin tha kan ti lo a ni,' an ti. 'PRISM chuan Kristianna hi a tha bik a ni tih lantir a, kan Pathian chawimawi tur te; kan chhehvel hnamte aia ropui zawk kan nih lantir tur te; Zohnahthlak (Zofa) te inpumkhatna atana kan unaute hipkhawm tur tein Mizorama ram ralmuang, dik leh fel taka ro inrel, hna nei lo awm lohna, mi hrisel leh hlim chenna, ram hausa, hnam dangten tlawh an chak ram dinpui atan mi tin kan sawm che u a ni' an ti bawk.