Aizawl: Aizawl Civil Hospital chuan private hospital te hnen atangin thisen sawngbawl man chu thisen an lak apiang in an la ve nghal zel tawh. Civil Hospital thawktute hnen atanga Zalen thudawn danin Aizawl Civil Hospital blood bank hian thisen sawngbawlna leh blood bag man ah hian bag khat zelah Rs. 550 an seng thin a, hei hi private hospital te hian pe nghal mai lovin an ba thin a. A hnu deuh a damdawi in lamin an thin lehin an pe tha duh lova, chuvangin thisen an lak dawnah advance in a sawngbawlna man (processing fee) hi an la zel tawh a ni. Private damdawi in ten thisen sawngbawlna man an bat hi a tam tawh hle a. Aizawl a private damdawi in awm ho te chuan Aizawl Civil Hospital blood bank hi an ring vek a, Civil Hospital a thisen pek 40%-50% vel an hmang a ni. Hetia thisen sawngbawlna man an lak atang hian thisen pawh an indaih sawt nia thudawn a ni.