New York khawpuia restaurant lar tak pakhat Sona chu tun thla tawp hian tihtawp a ni dawn. Sona restaurant hi kum 2021 khan Priyanka Chopra leh Maneesh Goyal ten an din a, hriat pawh a hlawh hman viau. Mahse a neitu zinga mi Priyanka Chopra a inhnuhdawh hnuah khar a ni zui dawn ta a ni. 

Priyanka Chopra hi thla hnih liam ta khan Sona restaurant neitu a nihna atangin a inhnukdawk a, a chhan erawh tarlan a ni lo. Hemi hnu hian Sona restaurant chuan thuchhuah siamin, June 30-ah tihtawp a nih tur thu an puang zui ta a ni. He restaurant hi milarten an tlawh nasa a, a bikin India celeb ten an ngaina zual. 

Priyanka Chopra leh Nick Jonas te hmuh tur an awm deuh reng thin a, Mindy Kaling, Vicky Kaushal leh Katrina Kaif te pawhin an tlawh fo bawk.