DOWNLOAD OUR APP

Read latest news on your phone
app-store
PRO FIGHT: Champion thei 24-na Ruatzela, vawi ruk champion thei Biakkima
Nov 15, 2023

LPS Pro Fight vawi 10-na zawh fel a nih rualin welterweight title fight-ah Lalruatzela Hauzel chuan Vanlalruatpuia a hneh a, champion thar a nih rualin champion thei 24-na a ni nghal bawk.


Zirtawpni zan leh Inrinni zan khan LPS Arena, Falkland-ah title fight buatsaih a ni a, welterweight-ah Mission Veng tlangval Ruatzela’n unanimous decision-in Ruatpuia a hneh a, a vawi khat nan title hnek chhuakin Pro Fight chanchinah champion thei 24-na a ni a, a hmain vawi khat champion tawh mi 11 an awm a, 12-na a ni nghal a ni.


Kum 2022 kha kum 22 mi, Ruatzela tel hmasak ber niin semifinal a pal tlang zo lo va, kuminah hmasawn zawkin a kir leh a, professional boxing vawi thum a khelhna ni nghalin a tum khat nan a chak a ni.


Weight dangah kum danga champion tawhten title an la a, fly-ah NT Lalbiakkima a champion a, mellung thar phunin Pro Fight chanchina vawi ruk champion thei hmasa ber leh boxer hlawhtling berah a inhlangkai.


Kum 27 mi Siaha boxer hi kum 2014 atanga 2019 chhungin tum nga a champion zawn a, 2022-ah awlin kuminah a kir leh a, championship chhunga vawi nga a inhnekah round hmang tluan vekin a champion-na kawng a hautak.


Chutih rualin Biakkima tan hlawhtlinna hlu leh ropui tak a ni a, tunlaia hmasawn tak, Vanlalenkawltira hneha a champion rualin professional huangah a dinhmun a chawi kang tel a, vawi sarih a khelhna niin a tum ruk nan a chak a, hlawhtlinna sang zawk chang thei turin phurna thar a neih phah hle a ni.


Kum hnih chhungin Mizo boxer hlawhtlingte el phak khawpin Laldinsanga a invawrh sang chak ve thung a, nikumah a vawi khat nan Pro Fight-ah telin flyweight-ah a bitum knockout vekin a champion.


Kuminah bantam-ah insawnin fiahna pal tlang thei a nihna lantirin a champion leh a, Pro Fight chanchina vawi hnih champion thei mi paruk zingah telin weight hrang pahniha champion thei mi pali zingah a tel bawk a, kum zawnin best boxer-a thlan a ni tel.


Kum 20 mi, Lunglei Ramthar tlangval hi professional a luhchilh atanga vawi ruk a inhnek tawhah chak vekin mi pali a knockout a ni.


Light-ah HC Lalramfela a champion ve thung a, Pro Fight weight hrang pahniha champion thei mi pali zingah a tel a, vawi hnih champion thei mi paruk zingah a tel bawk.


Kum 2015 khan kum 20 mi a nih laiin bantam-ah hriat hlawh lawk lovin a champion tawh a, weight rit zawkah insawnin nikum khan light title fight-ah Vanlalawmpuia a hneh lo va, tun tumah C Lalhruaitluanga lakah chakin kum riat hnuah a champion leh a, professional huangah tum ruk a chakna niin vawi hnih a tlawm tawh a, Pro Fight boxer hlawhtling zinga sawi zui a ni tawh ang.


Chawngtlai boxer pahnihin an hlawhtlinna huang tizauin Ramfela ang thovin a vawi hnih nan C Lalhruaitluanga a champion a, nikum khan welter title hnek chhuakin kuminah middle-ah a insawn a, title fight-ah unanimous decision-in F Lalthanliana Jr a hneh.


Kum 25 mi, Hruaia hian boxer dang angin sawi lar a ni lo mai thei a; mahse, Pro Fight-a a hlawhtlinna mai bakah professional boxing vawi sarih a khelhah chak vekin mi pathum a knockout a ni.


Kum 2009 atangin Pro Fight buatsaih a ni a, 2014 atanga 2019 chhungin vawi nga Tuipui chhuanvawr HC Johnkenty Vanhlimpuia a champion zawn a, middle leh lightheavy title hnek chhuak ve vein weight hrang pahniha champion thei hmasa ber a ni.


Tunah chuan weight hrang pahnihah Dinsanga, Ramfela leh Hruaia te nen champion thei pali an ni ta a; Biakkima’n champion hnem ber an nih dunna kalsanin a tum ruk nan champion kawnghren a hrensan ta bawk.


Middle-ah Sawleng fighter Zarzoliana leh lightheavy-ah Serchhip boxer Abel Lalawmawia te vawi li ve ve champion-in Pro Fight boxer hlawhtling bik an la ni reng a, Biakkima’n coach-a a hman mek, Lalmuanpuia leh Anthony Lalduhawma’n kum 2009 atanga 2016 thlengin lightweight an thunun a, vawi thum ve ve an champion a ni.


LPS PRO FIGHT CHAMPION TAWHTE:

LIGHTFLY/FLY:

2009 - Laldinsanga (Khatla)

2010 - ZD Lalchhuanawma (Lunglei)

2011 - Laldinmawia (Tuipui)

2014 - NT Lalbiakkima (New Siaha)

2015 - NT Lalbiakkima (New Siaha)

2016 - NT Lalbiakkima (New Siaha)

2017 - NT Lalbiakkima (New Siaha)

2019 - NT Lalbiakkima (New Siaha)

2022 - Laldinsanga (Ramthar Lunglei)

2023 - NT Lalbiakkima (Siaha)


BANTAM:

2009 - Vanlalhruaia (Khawkawn)

2010 - Lalnunhlua (Chaltlang Lily Veng)

2011 - Michael Zodinpuia (Ramhlun Venglai)

2014 - Lalnunhlua (Chaltlang Lily Veng)

2015 - HC Lalramfela (Chawngtlai)

2016 - Zonuntluanga (Dinthar)

2017 - Zonuntluanga (Dinthar)

2019 - Laldingliana (Tuipui)

2022 - Lalrinngheta (Tuipui)

2023 - Laldinsanga (Lunglei Ramthar)


LIGHT:

2009 - Lalmuanpuia (Ramthar)

2010 - Anthony Lalduhawma (Govt Complex)

2011 - Anthony Lalduhawma (Govt Complex)

2014 - Lalmuanpuia (Ramthar)

2015 - Lalmuanpuia (Ramthar)

2016 - Anthony Lalduhawma (Govt Complex)

2017 - Lalrinawma (Govt Complex)

2019 - Lalrinawma (Govt Complex)

2022 - Vanlalawmpuia (Khuangthing)

2023 - HC Lalramfela (Chawngtlai)


MIDDLE:

2010 - Zarzoliana (Sawleng)

2011 - Zarzoliana (Sawleng)

2014 - HC Johnkenty Vanhlimpuia (Tuipui)

2015 - HC Johnkenty Vanhlimpuia (Tuipui)

2016 - Zarzoliana (Sawleng)

2017 - Zarzoliana (Sawleng)

2019 - C Lalduhawma (Ramhlun South)

2023 - C Lalhruaitluanga (Chawngtlai)


LIGHTHEAVY:

2009 - Abel Lalawmawia (Serchhip)

2010 - Abel Lalawmawia (Serchhip)

2011 - Abel Lalawmawia (Serchhip)

2014 - Abel Lalawmawia (Serchhip)

2015 - PC Lalmuankima (Saron Veng)

2016 - HC Johnkenty Vanhlimpuia (Tuipui)

2017 - HC Johnkenty Vanhlimpuia (Tuipui)

2019 - HC Johnkenty Vanhlimpuia (Tuipui)


FEATHER:

2022 - Lalrosangzuala (Chaltlang)


WELTER:

2022 - C Lalhruaitluanga (Chawngtlai)

2023 - Lalruatzela Hauzel (Mission Veng)


* 2009 atangin LPS Pro Fight vawi 10 buatsaih a ni tawh a. Vawi ruk champion tawh NT Lalbiakkima (Siaha) chu boxer hlawhtling ber leh champion hnem ber a ni a, a khelh zawng zawngah a chak fai vek a ni.


* LPS Pro Fight vawi 10 neih tawhah champion thei mi 24 an awm:

- Vawi khat champion (12): Laldinsanga (Khatla, 2009 lightfly), ZD Lalchhuanawma (Lunglei, 2010 lightfly), Laldinmawia (Tuipui, 2011 lightfly), Vanlalhruaia (Khawkawn, 2009 bantam), Michael Zodinpuia (Ramhlun Venglai, 2011 bantam), Laldingliana (Tuipui, 2019 bantam), Lalrinngheta (Tuipui, 2022 bantam), Lalrosangzuala (Chaltlang, 2022 feather), Vanlalawmpuia (Khuangthing, 2022 light), Lalruatzela Hauzel (Mission Veng, 2023 welter), C Lalduhawma (Ramhlun South, 2019 middle), PC Lalmuankima (Saron Veng, 2015 lightheavy).


- Vawi hnih champion (6): Lalnunhlua (Chaltlang Lily Veng, 2010 & 2014 bantam), Zonuntluanga (Dinthar, 2016 & 2017 bantam), Lalrinawma (Govt Complex, 2017 & 2019 light), Laldinsanga (Ramthar Lunglei, 2022 fly & 2023 bantam), HC Lalramfela (Chawngtlai, 2015 bantam & 2023 light), C Lalhruaitluanga (Chawngtlai, 2022 welter & 2023 middle), 


- Vawi thum champion (2): Lalmuanpuia (Ramthar, 2009, 2014 & 2015 light), Anthony Lalduhawma (Govt Complex, 2010, 2011 & 2016 light)


- Vawi li champion (2): Zarzoliana (Sawleng, middle 2010, 2011, 2016 & 2017 middle), Abel Lalawmawia (Serchhip, 2009, 2010, 2011 & 2014 lightheavy)


- Vawi 5 champion (1): HC Johnkenty Vanhlimpuia (Tuipui, 2014 & 2015 middle, 2016, 2017 & 2019 lightheavy).


- Vawi 6 champion (1): NT Lalbiakkima (Siaha, 2014, 2015, 2016, 2017, 2019 & 2023 lightfly/fly).

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh