DOWNLOAD OUR APP

Read latest news on your phone
play-store app-store
app-store
ad
Pro Muaythai title chuh tum fighter 108 tel dawn
Tualchhung Infiamna
Oct 05, 2022
Aizawl October 5, 2022 : Kum 10 chuang hnuah LPS Pro Muaythai neih a ni leh dawn a, Mahindra Pickup 4x4 LPS Pro Muaythai-ah Mizo fighter 108 an tel dawn a, ninganiah LPS office-ah fixture tar chhuah a ni ang. Nimin leh vawiin khan fighter tel tur te dinhmun endik a ni a, ninganiah LPS office-ah fixture tar chhuah a ni ang. October 7, 2022 (Zirtawp) zan atang hian R. Dengthuama Stadium, Mualpui-ah inelna hi neih tan tur a ni. 
 
Muaythai Association of Mizoram hruaitute chuan form thehlut zinga mi 18-ten tunhnaiah hliam leh damsam lohna an neih bakah engemaw harsatna dang avangin an tel thei dawn lo tih an sawi.
 
Chutih rualin senior huang inelnaah mi 110 dawn an inlan thei tur chu Mizoram Muaythai tan thil ropui tak niin an hria a, inbeihna hmuhnawm tak a ni ngei dawn tih a chiang a, Muaythai inelna a la tel ngai lo eng emaw zat an tel bakah, Mizo fighter tha te an tel kim hle niin an sawi bawk.
 
Weight hrang panga zingah kg 48 atanga 54 inkar bantam-ah 35 telin an tam ber a; kg 54 atanga 63.5 inkarah light-ah 31; kg 48 hnuai lamah 24, kg 63.5 atanga 71 inkar welter-ah 14 leh kg 75 chin chung lamah mi pali an tel a ni.
 
October 6, ningani zing dar 10-ah LPS office, Zarkawtah fixture tar chhuah a ni dawn a, a tuk October 7, Zirtawpni zanah R Dengthuama Indoor Stadium, Mualpuiah tan ani ang a, October 28-ah final tura ruahman a ni.
 
Muaythai cage fight-ah hian show awm zan apiangin D3 Haier Fighter of the Night lawmman sem a ni dawn a, final zanah D3 LG Best Fighter, D3 LG Promising Fighter, D3 LG Best Judge leh Referee hnenah lawmman tha tawk tak pek a ni bawk ang.

Latest News & Chhiar Hlawh