ZALEN August 25, 2026: Monsoon Session kal mekah Minister Prof.Lalnilawma, Ṭawi Bialtu MLA ni bawk chuan a bial chhunga “Artuia Intodelhna tur Bana Kaih Project” kalpui mek aṭanga, a bial mipuite thar artui chu vawiin khan MLA te a thar tem.

He project hi Prof.Lalnilawma’n a MLA fund hmanga a kalpui niin, he project hnuaia beneficiary te chu MLA fund kaltlangin Ar In sakna tur Rangva pek an ni a. Ar note man zaa 75 chu MLA Fund aṭangin pek an ni a, zaa 25 chu beneficiary ten an tum thung a. Ar chaw man chu thla 5 chhung atan zaa 75 chu MLA Fund aṭanga pek chhoh mek zel a ni bawk.

Tunah hian Ṭawi Bial chhunga he project beneficiary te hian an artui tharchhuahte an hralh chhuak ṭan mek a ni.