DOWNLOAD OUR APP

Read latest news on your phone
app-store

Project Coordinator Office ten Chaw thleng tha lo semchhuak ngam lo - MPCC

Sep 23, 2022

Mizoram Pradesh Congress Committee (MPCC) chuan thuchhuah siamin Primary School leh Middle School (Elementary stage) naupangten a thlawna chaw chhun an dawn thin Mid Day Meal scheme hnuaia chaw ei thleng leh bungraw dang supply te chu a nih tur ang aia quality chhia a nih avangin District Project Coordinator Office-te chuan School-ah an sem chhuak ngam lo, an ti.

Aizawl September 23, 2022 : Mizoram Pradesh Congress Committee (MPCC) chuan thuchhuah siamin Primary School leh Middle School (Elementary stage) naupangten a thlawna chaw chhun an dawn thin Mid Day Meal scheme hnuaia chaw ei thleng leh bungraw dang supply te chu a nih tur ang aia quality chhia a nih avangin District Project Coordinator Office-te chuan School-ah an sem chhuak ngam lo, an ti.

MPCC chuan he thilah hian thil fel lo lian tak a awm niin a hria a. He thil hi a tul ang a chhuifiah a, hma la turin MPCC chuan MNF sorkar an phut. Congress chuan, "Mizoram sorkar hnuaia Elementary School hrang hrang tan Mid Day Meal Scheme hnuaiah Chaw ei thleng, Fianpui leh Dekchi lian te tun hnaiah supply a ni a. Heng bungraw hrang hrangte hi semchhuah mai theih turin District hrang hrangah thawn kual niin, zirlai naupang chaw chhun eina tur bungruate hi a nih tur ang aia te leh quality chhia a nih avangin District Project Coordinator Office-te chuan School-ah an sem chhuak ngam lo a ni," an ti. 

Mid Day Meal Scheme hmanga zirlai naupangten a thlawna chaw chhun an ei theihna tur leh zel sum siam nana hmanga a nih ang tur ni lo bungrua supply a ni hi MPCC chuan pawi an tih thu an tarlang. "Bungraw chhe tak supply tu hi NABARD loan hmanga School sak that hna tam tak thawktu, Education Minister thian hnai tak, a Consultancy Firm hman thiam Allied Concern a ni nghe nghe. Heng zirlai naupangte chaw chhun eina tur bungraw chhia leh a nih tur ang ni pha lo te hi a rang thei ang bera Bungraw dik leh tha zawka thlak thuai tur leh thil dik lo titute dan anga hrem ngei turin sorkar kan phut a ni," MPCC chuan an ti.

Share now