Aizawl: Porcine Reproductive & Respiratory Syndrome (PRRS) vangin Mizoram vawk 3727 an thi tawh niin AH&Vety Department chuan an chhinchhiah. Zalen-in AH&Vety department thawktute hnen atanga thu a dawn danin PRRS hri leng hi a ziaawm hret hret zel a, Zirtawpni khan Biate ah hun engemaw chen an enkawl vawk 1 thi tih loh chu Mizoram hmun dangah vawk thi leh damlo thar a awm lo tih an sawi a. PRRS hian zuai lam a pan tawh nia an hriat thu an sawi bawk.