Nipui transfer chhunga an player laluh pathumna turin PSG chuan RB Leipzig atangin Nordi Mukiele an lalut. Centre-back ah pawh khel thei Mukiele hi right-back tura lak a ni. 

Ligue 1 champion Paris Saint-Germain lam hian French defender kum 24 a upa Mukiele manah euro maktaduai 16 an seng a, kum 5 daih contract ziahpuii kum 2027 June thla thleng PSG lamah hian a cham ang. 

“PSG-a ka lut thei hi ka lawm a, vawiin hian mi hlim em em a ni. Mahni ram ngei, seilenna khawpui ngei maia ka khelh thei tur hi duhthusam a ni a, kei leh ka chhung te bakah ka thian te thlengin kan lawm em em a ni," tiin Mukiele chuan PSG a zawm chungchang a sawi.

French club Montpellier atangin 2018 khan Nukiele hian Leipzig a zawm a, Leipzig tan game 146 khel tawhin goal 10 a khung tawh bakah thian te goal thun tur tum 11 a siam sak tawh bawk.