Paris Saint-Germain chuan an striker Kylian Mbappe chelh beh nan season hnih chhung atan £125million(€150m) pek an huan thu an sawi. Hetiang zat hlawh tura an thlem chhan hi an star player hi an club lama cham rih turin an la duh hle tih a hriat. 

French club lian PSG leh Mbappe-a te inremna thuthlung chu kumin nipui hian a tawp tawh mai dawn a, hun rei tak atanga amah hel tawh thintu Real Madrid lama kal mai pawh a hnial lo tih a hriat. Mahse, tuna an pawisa pek huam zat hmang hian an inthlem lungawi thei mai a ngem? Nge Madrid lam kar nan a hmang hlauh zawk dawn! 

Kum 23 a upa Mbappe a hma hun hi a chiang rih lo hle a, amah pawhin duh thlanna diklo siam a hlau ve hle niin an sawi. Spanish journalist Guillem Balague chuan Mbappe hian Santiago Bernabeu lam pan a la chak reng a, PSG lamin an pek huam zat £125million aia tam hi Real Madrid-in an sihchhuah thei dawn niin a sawi mauh mai.  

Chelsea lama hat-trick siam hlim Karim Benzema chuan, "National team-a ka khelh pui thin a ni a, club lamah pawh khelhpui ka chak. Mbappe nen hian vei lama tlan nuam ti ve ve kan ni a, khel dun chiah ila kan duhnaah a awm dun thei dawn lo va, chu chuan kan tumpui te a tibuai ngei dawn a, kan zarah kan thian ten chance an neih phah thei bawk," a ti. Real Madrid a rawn zawm a nih chuan Vinicius Junior-a nen kan hnungah 'star pathumna' a ni ang," tiin L'Equipe hnenah a sawi zauh bawk. A huphurh rilruk vang chu a ni em lo turah ngai ang!