ZALEN June 21, 2024; Pathian pawlna chang chung a kum 1950 a Kapzingi, Champhai Zote in a puantah a Halleluiah Chorus -Solfa a zeh tel chu tun thlengin tha tak a vawn that a la ni.

ZALEN chuan hemi chungchang hre awm deuh tur a zawt kual a, puantah a nih hunlai hi a rei tawh avangte in chiang tak a hriat erawh a harsa tawh hle.

Champhai Zote lam a awm thin, chinchang la hre deuh thenkhat ten ZALEN an hrilh danin, he puan tahtu Rozingi hian kum 1950 a a tah tih hriat theih a la ni a, he puan hi tun thlengin Gandhi Memorial (GM) High School, Champhai museum ah tha tak a vawn a la ni.

He puantah - Halleluiah chorus - solfa zep teltu Kapzingi hi Pathian tih mi tak niin, Pathian rawngbawl tuipui leh nuam ti em em a ni.

Halleluiah Chorus a ngaina in a duh hle a, a part zawng zawng pawh sa thiam vek niin, he puan a tah lai hian Pathian pawlna a chang nasa hle a, chumi vang a tah puitling/zo thei niin a hrechiangte chuan an sawi.

A puantah chhung hi puan dang a tah te ai chuan a rei deuh a, chuti chung chuan rei tak erawh a tah lo nia sawi a ni bawk.

A tah hunlai, kum 1950 te ngaihtuah chuan hetiang tah chhuak thei Kapzingi hi nu themthiam tak a nih ngei a rinawm a, he a sulhnu ropui leh hlu tak hi a riral mai loh a vawn that zel atan a duhawm hle.

Note : A puantah hi ngun leh uluk tak a en chuan Halleluiah Chorus - solfa zeh tel a ni tih i hmu thei ang.