Aizawl: Pachhunga University College (PUC)-a subject pathuma post graduate zirna hawn thar chu zirlaiten an bawh hle.   PUC-a post graduate zirna hawn tharte hi Mizo, Philosophy leh Life Science subject te an ni a, Mizoram college-ah chuan post graduate zirna hmasa ber niin UGC pawhin a pawmpui tawh bawk.   Pachhunga University College thawktute hnen atanga thudawn danin heng subject 3-ah hian seat 10 theuh hawn niin Mizo leh Life Science-ah chuan seat hi a full nghal a, Philosophy-ah erawh chuan zirlai 6 chiah an awm a ni.   PUC-a post graduate zirna hawn a nih tak avang hian UGC pawhin subject tin atan faculty Assistant Professor 2 theuh pek belh a remti a, advertisement chhuahin hna lak hi kalpui tur a ni. PUC-ah hian post graduate bakah seat 30 awmna Bachelor of Business Management chu tun session atang hian kalpui tan a ni bawk.   PUC-a PG zirna hi August 1, 2018 atanga hawn a ni.