Aizawl September 14, 2024 : Pachhunga University College, Department of Psychology, Green Ribbon Club, Drug Awareness Club leh Mental Health Clinic te tang kawp chuan Dt.13.09.2024 (Zirtawpni) khan Khawvel huapa Mahni Intihhlum Venna Ni (World Suicide Prevention Day) kal liam ta pualin zirlai te tan a thlawna rilru hrisel endikna (Mental Health Assessment) hun an hmang.

He hunah hian Clinical Psychologist 2 leh Counseling Psychologist ten zirlai mamawh bik neite chu a mal tete a kawmin, Counseling an pe a ni. Zirlai 600 chuang zet endik niin, mi 80 aia tam Counseling pek an ni bawk a. Hun hlimawm leh hlawk tak hman a ni.