ZALEN November 12, 2025: Pachhunga University College-ah Department of Zoology chuan Scrub typhus, Malaria leh Dengue te zir chianna hmun, Vector Borne Disease Laboratory (VBDRL) an din thar chu Prof. H. Lalthanzara, Principal, Pachhunga University College chuan vawiin November 12, 2025, khan a hawng.

He laboratory din tharah hian rannung atanga kan kai theih natna (Vector Borne Disease) hrang hrang : scrub typhus, malaria leh dengue te zir chian a ni. A bik takin heng natna inkaichhawn theihna leh inkaichhawn dan te, a natna paitute (vector) nun kawng hrang hrang leh leh heng natna sutkian leh enkawl dan thlengin an thawk bawk. 

He laboratory ah hian hmanraw changkang leh heng natna zirchianna atana pawimawh tak takte: PCR leh RT-PCR system, biosafety cabinet, -80 freezer, CO2 incubator leh khawl pawimawh dangte a thuam a ni.