Aizawl: Pachhunga University College chuan ‘Adopted Village’ (khaw chuam) atana Lungleng a thlan puanzarna Lungleng Community Hall-ah a nei. Puanzarna inkhawma khuallian Higher & Technical Education Minister R. Romawia chuan Mizoram chanchina Lungleng khaw pawimawhna hrang hrangte tarlangin Mizo lalte zinga lal fing leh remhria, hmathlir thui tak nei, Khamliana din a ni a ti a. Khamliana chu rilru nghet tak leh Mizoram khua zawng zawnga khaw intodelh ber nih tum tlat thin a ni tih sawiin Lungleng khaw mipuite chu chutiang rilru pu tur leh Mizoram pumpui ‘Khaw Idol’ ni thei tura ‘khaw chuam’ an nihna hmang tangkai turin a chah bawk. Adopted Village inkhawmZirtawp zana neih chu PUC Vice Principal, Village Adoption Committee Chairman ni bawk Prof. J.V. Hluna'n a kaihruai a. PUC Principal khawvel dangte ruala Lunglengin ke a pen theih nan khaw mipuite chu thawhho puiah a sawm.