ZALEN Nov. 19. 2024; Pachhunga University College (PUC) team chuan Prajatantra National Youth Festival, Lucknow-a neihah team tha ber dawttu nihna an la.

Prajatantra National Youth Festival hi khawpui inrelbawl dan chungchanga model siam tura India rampum college leh university zirlai te inelna a ni a. University/college te hi team-ah insiamin 418 zet inelnaah an tel a, chuta tang chuan final-a tel tur thlanchhuah leh an ni. PUC team hi thlan zingah tel vein November 16-18, 2024 chhung khan Lucknow-ah inelna hi neih leh a ni a. Best Team category-ah PUC chu pahnihna (1st runner-up) a ni ta a ni.

PUC Team-ah hian R. Lalremruati (5th Semester Economics), Malsawmtluanga (3rd Semester History) leh Angel Lalruatfeli (5th Semester Biotechnology), te an tel a, Dr. Lalnundika Hnamte, assistant professor, Political Science -in a kaihruai a ni.