Puk chhungah ni 500 chhung a awm hnuin khaw eng a hmu ve leh ta!
![](/storage/news/post/ECvMPRMnbfhp0xI3mQ7M6hl5sR89YS6L8zGuMt3w.jpg)
Spanish hmeichhia Beatriz Flamini chuan puka awm rei ber record a siam a, ni 500 chhung teh meuh pukah hian a khawsa hem mai! Puk a luh tirh hi Covid-19 len lai kha a ni a, Russia-in Ukraine a la run lo bawk - a rawn chhuah leh meuh chuan khawvel a lo danglam nasa tawh hle.
Kum 50 mi Beatriz Flamini hian puka a awm chhung hian tumah a be lo a, amah leh amah a inbiak bak chu ni 500 chhung hian a mihringpui tumah a be lo tihna a nih chu. A puk luhna hi Granada, Russia a ni a, amah maiin a khawsa char char bik lo thung - a team ten a khat tawkin a hriselna dinhmun an vil ve reng a ni.
November 21, 2021 khan pukah hian a lut a, metre 70 (feet 230) a thukah a khawsa. He tih lai hian kum 48 mi a ni a, a rawn chhuah leh meuh chuan kum 50 mi a ni tawh - a hmel lan dan pawh a danglam ve ta ngei ang.
Beatriz Flamini hi infiammi a ni a, puk chhungah pawh hian taksa sawi zawi, lem ziah leh thil dang dang a tive reng. Lehkhabu pawh 60 lai a keng lut a, tui litre 1,000 a keng lut bawk.
A taksa leh rilru hrisena hi - psychologist, researcher leh speleologist ten a khat tawkin an endik sak reng a, mahse heng mite nen hian an inbe ngai miah lo thung.
Puk a luh hnu thla hnih vel atangin hriatna a hloh then a, hun kal dan a hre zui lo. Amah chuan puk chhungah hian ni 160 atanga ni 170 inkar chauh a awm emaw a tinghe nghe!
Puka a hun hman rei zawng hi world record niin an tarlang a, mahse Guinness World Record lam chuan an la nemnghet lo thung.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024