Indian actor Puneeth Rajkumar chu October 29, Zirtawpni khan kum 46 mi niin Vikram Hospital, Bengaluru-ah heart attack avangin a thi. Amah uitu mi thahnem tak chu Kantheerava Stadium-ah an pungkhawm a, naktuk hian a pualin hun hnuhnung buatsaih a ni ang.

Puneeth Rajkumar hi gym a kalnaah a awm (chest) a nat avangin damdawiin panpui nghal a ni a, a hnuah Vikram Hospital-ah admit niin, a thi zui ta mai a ni. 

Puneeth Rajkumar hi Kannada cinema atanga lar niin, film pawh 40 dawn a chang hman a ni. A film chan tawh zingah kumina tihchhuah Yuvarathnaa bakah, Raajakumara (2017), Appu (2002) leh Natasaarvabhowma (2019) te chu a lar zual an ni.