DOWNLOAD OUR APP

Read latest news on your phone
app-store

PUNG TLA- In & lir- thei loan lak hun hnai

Oct 10, 2015

PUNG TLA- In & lir- thei loan lak hun hnai

Aizawl; Reserve Bank of India-in Bank dangte sum a pukchhuah tirna a pung ‘interest’ 0.5% laia a tihhniam chuan ram pum nghawngin commercial bank te chuan loan pek chhuah te chu a pung an ti hniam tih an tlangzarh nasa hle a, loan lak hunlai a ni chho dawn tih ZALEN chuan thu a dawng. Hetih lai hian Mizoram chhunga bank te chuan lirthei leh motor loan ah a pung an la titla hniam chiah lo nain November chhung chuan inpeih fel an tum niin Bank hotute’n Zalen an hrilh bawk. “Loan pung tihhniam kan tum a, kar thar a hman nghal theih tur emawa peih kan tum laiin thawktu indaih lo leh hotute zin an awm avangin kan thu thei lawk lo a. Assets Liability Management Committee tih Mizoram Rural Bank chuan a nei a, an thut khawm a phalna an pek hma chu Repo Rate danglam chu kan umzui thei loa. November chhung chuan kan inpeih hmang ang,” tiin Ngila, AGM MRB chuan Zalen a hrilh a. Cooperative Apex Bank, AGM A.Lallungmuana chuan Apex nihphung chu danglam deuh mah se Repo Rate chu an ngaichang hle tih sawiin, “Mizoram ta bil bank awmchhun kan ni a, Bank dang chetlak thlir chungin RBI in Repo Rate a tihdang lam hi Apex bank kaltlangin mipuiin hlawkna an hmu ang,” tiin a sawi a. Banking-ah inelna a sang tura a ngaih thu leh a pung hniam zawnga inelna tun aiin awm belh zel se a duh tih thu Zalen a hrilh bawk. State Bank of India chuan 0.40%-in loan punna a tihniam ve nghala, SBI hnathawkin Zalen a hrilh dan chuan loan punna tihniama hmang turin inpuahchah mek a ni.
Share now