November 3, 2023; October 28, 2023, atanga chin hriat loh a bo Lalnunthiangi (33), Mission Veng, Patiala, Punjab-a Biotechnology-a Ph.D ti mek chu nizan (2.11.23) dar 11 vel khan a ruang hmuh a ni a, tui tla nia hriat a ni.

Lalnunthiangi (33), Mission Veng hu Thapar University (Thapar Institute of Engineering and Technology),

Patiala, Punjab-a Biotechnology-a doctor of philosphy ti mek niin, October ni 28, 2023 chhuna a chhuak a bo zui a, Patiala police-te'n ngawrh takin zawn hna an thawk.

Lalnunthiangi hi a ṭhiante nen October 28 khan an chhuak a, an awmna chin hriat a ni lo zui a ni. Lui pakhat bulah a bag, identity card leh thawmhnaw thenkhat chu October 29, Pathianni khan chhar a ni a, nizan dar 11 vel khan ruang hmuh niin, tui tla nia hriat niin, amah ngei a ni tih finfiah a ni.