DOWNLOAD OUR APP

Read latest news on your phone
app-store

Qatar World Cup 2022 awm tur hi tournament ropui ber nih ringtu Belgium boss Roberto Martinez

Feb 20, 2022

Belgium manager Roberto Martinez chuan kumin Qatar-a World Cup awm tur chu World Cup awm tawh a zawnga ropui ber a nih a rin thu a sawi.

Belgium manager Roberto Martinez chuan kumin Qatar-a World Cup awm tur chu World Cup awm tawh a zawnga ropui ber a nih a rin thu a sawi.         World Cup hi atlang puiin nipui laia neih thin a ni a, mahse kumin bik hi Qatar lamah khua a lum dawn en avangin boruak nawm lai deuh tur chuhin November ni 21 atanga December ni 18 chhunga neih turin an ruahman a ni. Hetiang a nih chuan ram hrang hrang league season khelh laklawh vel a ni dawn a, World Cup nen pawh a insu buai deuh dawn a ni. 

Martinez chuan BBC Radio 5 Live hnena a sawi danin, "Tun tum World Cup hi a hmuhnawmin a ropui em em chhan tur pakhat chu player te taksa lamah an fit that lai tak a ni dawn a ni," a ti. Sawi zawmin, "Mahni ram tan khelh theih hun tha takah an khel tur hi player tan pawh duhthusam a nih a rinawm. Player ten season tan tirh taksa fit laiin an khel dawn a, a hmuhnawm ngeiin a rinawm," a ti. 

Tunah a enkawl Belgium hi FIFA ranking-a No. 1 niin player tha tak tak kawlin ‘Golden Generation’ an tih hial khawpa tha nen World Cup an hmachhawn dawn a, an mahni pawh an in ring tawk hlein a rinawm. 

Share now