ZALEN Nov. 11, 2024; Mizofed Petrol Pump, Treasury Square-a QR code scanned sticker thlaktu chu man a ni tawh.

Thudawn danin Police te hian inrinni khan Mizofed pump a QR code scanned sticker report an dawng a,an chhuizui hnuah QR code scanned sticker thlaktu ni a puh H Lalrohlua (23) s/o H Lalzarliana, Hrangchalkawn, Lunglei; tuna Armed Veng, Aizawla awm mek nia inchhal chu man a ni a, mobile phone pawh an man sak nghal a ni a, jail-ah dah a ni.

H Lalrohlua mobile phone-a G Pay transaction history atanga a lan danin, Rs. 1,000, Rs. 425 leh Rs. 890 a vaiin Rs. 2,315 an thun a, midang hnenah Rs. 890 a thawn chhuak thung.

H Lalrohlua hian Mizofed Petrol Pump-a QR code scanned sticker thlaktu a nih thu hi police hmaah a pha lo a, tun hmain thubuai a la nei ngai lo nia hriat a ni.