ZALEN Jan 14, 2026: Sihphir Neihbawi quarry chimin a delh, Solen Tudu (38) ruang hmuh a ni a, ruang pakhat hmuh a la ni lo.

January ni 9, 2026 (Zirtawpni) tlai dar 3:30 vela Sihphir Neihbawia Lalchangliana enkawl quarry chimin a delh mi pahnih-te ruang zawn chu vawiin khan Aizawl DC office-a Quick Response Team leh Geology & Mining Engineer-te kaihhruainain Sihphir Branch YMA QRT member mi 20-te nen chhunzawm a ni a, vawiin tlai dar 4:30 vel khan Jharkhand Dumka District-a Dupari khaw mi, Solen Tudu (38) ruang hi hmuh a ni a, a hmunah doctor koin a enfiah nghal a, a ruang hi a pa-in Jharkhand-ah lak a tum a, mahse, sawrkar aiawhte leh Sihphir branch YMA hruaituten a ruang a chhiat tawh em avangin hawn chi-ah an ngai lo a, hemi chungchang hi hrilhfiah hle mahse a pa hian tun dinhmunah a rilru a thlak theih loh avangin a ruang awm zel dan tur hi hriat theih a ni rih lo.

He tih lai hian Samal Chakma ruang pawh zawn mek zel a ni a, beiseina sang tak neiin a zawn hna an chhunzawm zel dawn a ni.

#ZalenNews