ZALEN Oct. 3, 2024; Nimin October 2, 2024 chawhnu dar 3:30 vel khan Tv. K Thado (Meipaw) S/o B.Hlaute, Tipa Dairy -II chu an lung lakna quarry chimin a delh a, ka pawh chhawn lovin a hmunah a boral, a ruang hi vawiinah vuiliam a ni.

K.Thado hi a thawhpui Avala S/o R.Lalngura nena lung la a eizawng an ni a, nimin lama lung lak an ban hnuah an hmanruate an senghawi laiin quarry chu rawn chimin lung leh leivungin a chhilh vek a. Hetihlai hian a thianpa Avala chu an quarry atanga kawngpuiah a chhuk hman chiah a. A thianpa chesual thawm a hriat veleh quarry lamah chuan a tlan chho vat a, a thianpa K.Thado lei leh lung chimin a khuh vek tawh chu a la dam ringin a hai ta nghal a. Mahse vanduai thlak takin a lo thi hman tih a hmuhin In lamah phone hmangin mi a pun a, mi tlawmngaiten a ruang hi an zu hlawm ta a ni.

He a chetsualna quarry hi Tipa leh Saikao inkar ramri-lui piah, kawng chhaka awm a ni.

Vanduaina tawk ta, Tv K.Thado (Meipaw) hi a nu hmeithai leh a farnu enkawltu ber a ni a, mi taima leh tlawmngai tak, mi inngaitlawm tak a ni.

A ruang hi nizan khan tlaivarpui niin, vawiinah vuiliam a ni.