ZALEN March 12, 2026 : Lammual Quarter Guard kawt, Chapchar Kût puala food stall awmte chu Aizawl DC-in a chhuahtir. 

District Magistrate leh Aizawl Bawrhsap ni bawk, Er Lalhriatpuia chuan Lammuala Quarter Guard kawta kût puala food stall awmte chu a rang thei ang bera chhuahsantir turin Commerce & Industries Dept. director hnenah lehkha a thawn. 

Lehkhaah Quarter Guard hi hmun hlui pawimawh, 'heritage site' a nih angin hetiang atana hman hi a rem loh thu Sewa Bhawan, New Delhi atang pawhin thu an dawng tih a tar lang.

Quarter Guard kawta food stall awmte hi ni hnih ṭhu hmanin nizan khan a chhak kawt zawlah an sawn chhoh thu a hmunhma buaipui tute chuan ZALÊN an hrilh.

He hmuna ei tur siamna leh eina hmun awm chungchang hi nimin tlai khan ZALÊN pawhin an social media-ah a lo tar lang tawh a. Vawiinah erawh chuan SBI Main Branch kawt atanga luhna dawh chu kal theih lohva dah a ni a, a kawt luhna pawh puan (shamiana) hmanga pawh theih loh tura hung a ni tawh.

#zalennews