British rock band Queen chuan UK chart history-ah record an siam a, album copy maktaduai sarih hralh tling thei hmasa ber an ni. Kum 1981 a an tihchhuah album hi in pali zela pakhat chuan an kawl zel tihna ang a nih chu - lar vet vet tak a ni. 

'Greatest Hits' collection hi khawvela album hlawhtling ber zingah chhiar tel a ni reng tawh dawn a, a hla hlu zual zel bawkin a rinawm. UK bakah hian khawvel ram hrang hrangah an hralh chhuak nasa hle a, a chuai thei tak tak lo a ni ber - UK album chart-ah phei chuan kar 1,000 teh meuh a lang tawh!  

Queen guitarist Brian May chuan record an siam chungchang hi tarlangin, "Thu lawmawm tak a ni, album bikah chuan hetiang thleng phak hi an la awm ngai lo, kan lawm e," tiin a sawi. An band drummer Roger Taylor pawhin ropui a tih thu leh, fan te chunga lawmthu sawina a tarlang bawk. 

'Greatest Hits' album-ah hian hla lar tak tak a tam hle - Bohemian Rhapsody, Bicycle Race, We Will Rock You leh We Are The Champions te chu khawvel deng chhuak thei khawpa hla lar vek an ni. Queen hian audio streamingplatform Spotify-ah pawh - The Beatles leh Michael Jackson te ai pawhin stream an hlawh zawk a ni.