Aizawl: Nimin khan Champhai DC office-ah Election Commission of India hnuaia High School leh Higher Secondary School-te tana Quiz neih dan tur relin District Level Committee chu an chairman Champhai DC Vanlalngaihsaka hovin an thu khawm. Quiz hi ziaka exam tur niin Sikul level (Intra School)-ah neih phawt tur a ni a, sikul tina Test Evaluating Team ruatten sikul aiawh tur mi pahnih an thlang chhuak dawn a. Sikul tin atanga titha thlan chhuah pahnih theuhten sikul aiawhin District level Competition an hmachhawn leh ang a. Heta tithate hian District aiawhin State Level Competition hmachhawn lehin State tin aiawhten ECI hnuaiah National Level Semi Final an hma chhawn leh dawn a ni. ECI-in quiz a buatsaih chhan chu nakin lawka vote nei mai tur zirlai naupangten inthlan dan chungchang leh a kaihhnawihte an hriat chian theih zawk nana ruahman a ni.