Aizawl: Tunkar Zirtawpni a Republic day lawmna, Aizawl a neih turah parade contingent 25 an tel dawn a, heng zinga 1 hi state pawn atanga lo tel tur an ni. Republic day parade a tel turte hi school 14, Armed 6, NCC 3, Scout & Guides 1 leh Ex Servicement 1 an ni a, state pawn atang hian Nagaland Police, Mahila Battalion te an lo tel dawn a ni. Hetih lai hian Kohima a Republic day lawmna parade a tel tur hian City Police te an kal bawk. Parade naupang zingah tlu an tam thin avangin a tih ziaawm nan kumin ah hian naupangte chu ORS leh eitur tha tak pek tum a ni a, kumdanga a sumfai a pek thin chu kuminah chuan a takin pek an ni dawn a. Hei mai bakah VIP lo thlen hmaa hun rei tak an ding thin pawh reilo deuh zawk dintir tum a ni a. Aizawl Civil Hospital ah an hriselna endik a ni bawk a, naupang engemaw zat chu an fit tawk lo nia hriain hnawl an ni bawk niin Aizawl DC Office thawktute chuan Zalen an hrilh.