Raducanu-i’n a Coach ban

Admin - Sep 26, 2021

Tawnhriat ngah zawk a beisei

British number one Emma Raducanu chuan US Open a champion theihna kawnga amah kaihruaitu a coach Andrew Richardson chu a banin experiance nei zawk lak a tum.

Kum 18 mi hian New York-a tournament dawn khan Richardson-a hi a hired a, khatih hunlai khan Raducanu-i hi hmeichhe tennis ranking-ah world number 150 a la ni a, tunah erawh ranked 22-na a ni tawh thung.  

A coach a ban chhan sawiin Raducanu chuan, “Tun ka thlen chin atanga sang zawk min thlenpui thei tur leh min kaihruai turin WTA Tour-a tawnhriat lo nei tha tawh ka mamawh a ni. Mi thar mai ka la ni a, ka tan thil thar vek a ni a, tennis khawvel lo dai zau tawh zawk leh chumi lo paltlang tawh ngei chu min kaihruai turin ka mamawh a ni,” a ti. Sawi zawmin,“US Open title hi ka lak ka ring pha ngai lova, ka tan chuan thil mak danglam tak a ni,” a ti.

Share now