Veteran coach Rafael Benitez chuan Liverpool captain hlui Steven Gerrard chu a player enkawl ve tawh zingah chuan a tha ber thu a sawi.

Spaniard hi kum ruk chhung teh meuh Anfield-ah a cham a, a hun chhung hian 2005 khan Champions League-ah a enkawl Liverpool a champion pui a, Benitez-a'n Liverpool a enkawl chhung zawng khan Gerrard kha captain a ni. Naupan te a nih atanga a khelhna club tan hian game 710 khelhah goal 185 a khung a ni.

Gerrard hi Premier League midfielder awm tawh zinga ropui ber pawla ngaih a ni. Benitez hian a nau hlui Liverpool superstar thin hi a fak hle a ni. Real Madrid leh Chelsea manager hlui hian Frank Lampard-a hming pawh a sawi lang tel a, Football Daily hnenah,“Kum ruk ka enkawl chhung khan Lampard kha ka hria a mah se Gerrard kha ka hre chiang hle zawk a ni. Ka enkawl tawh player zingah chuan a tha ber a ni. He thil ka sawi chhan chu miten min zawh vang a ni. Player ropui tak a ni thin a, tunah erawh manager naupang tak a ni tawh thung," a ti.
Heti hian a sawi belh bawk:

Benitez hian Goodison Park-ah thla ruk pawh tling lo hun a hmang hman lo tihin ban a ni a, January 2022 khan Frank Lampard-a'n a thlak a ni.