Rafael thlak turin Everton-in Frank Lampard an sawm
![](/storage/news/post/yiUJtwuulf5hwLav2JqybSbFsLPMZGaLvs4qKEbL.jpg)
England midfielder hlui Frank Lampard, kum 43 chu Chelsea manager atangin nikum January thla khan ban a ni a, hna dang thawk leh rih lovin Everton coach hna awl mek hnawhkhat tura biak mek a ni. Lampard-a bakah hian Portuguese Vitor Pereira leh caretaker Duncan Ferguson te pawh biak thawi an ni.
Game 13 an khelh-ah tum khat chiah chak hmel an hmuh vangin a coach Rafael Benitez chu ban a ni a, Liverpool manager hlui hian thla 7 a enkawl hman lo a ni. Everton hi tunah Premier League lamah 16-na an ni phak hram a, relegation zone atangin point 6 chiahin an him rih a ni.
Coach zawng mek Everton hian mual pawn lamah pawh buaina an tawk chho mek a, Nilaini khan fans 100 rual chuan club a kalpui dan kham khawp lovin Goodison-ah protest an nei a ni.
An player hlui Wayne Rooney pawh coach tura sawi lan zingah hian a tel ve a, mahse hma hun chiang lo chunga Everton lama bul tan thar leh aichuan Derby County enkawl a, Championship lama cham rih a thlang rih zawk niin an sawi.
Lampard hi player angin Chelsea-ah season 13 chhung zet a khel a, Stamford Bridge-a a cham chhung hian game 648 zet khel hmanin trophy 11 a chawi pui hman a, chung zingah chuan Premier League title 4 leh Champions League a tel.
Coach anga Chelsea a let leh khan season hmasa berah Chelsea hi Premier League-ah pali-na a nihpui bakah FA Cup final a luh pui thei a ni. Mahse, game riah chhungin tum 5 ngawt a naute a tlawmpui hnuah Roman Abramovich-a mit a tlung zo ta lo a ni.
Lampard hian Chelsea a cham chhung hian record a nei tha hran lo va, game tina point 1.67 hmu thin ang niin Chelsea manager nghet zingah chuan Premier League record nei chhe ber pahnihna a ni. Abramovich-a hnuah Andre Villas-Boas (47.5%) chiah hi Lampard-a 52.4% aia chechhe awmchhun a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024