October 16, 2023; Mizoram tlawh mektu Rahul Gandhi chuan Mizoram a sawrkarna chelh mektu MNF party na takin a bei a, Mizoran Economy sawp chhetu ah a puh.

All Indian Congress Committee (AICC) hruaitu Rahul Gandhi chuan he thu hi vawiin a Bharat Jodo Yatra Aizawla huaihawt a hmanpuinaah a sawi a, Rahul Gandhi chuan Mizote bakah, hnam tenau zawk te hnam leh nunphung humhim chu hmasawnna ruhrel tam tak ai pawha an ngaih pawimawh zawk a ni a ti a. Mizoramah chuan kawng a chhiat nasat thu te, hei hian ram ei leh bar kawnga hmasawnna nasa taka a nghawng thu te a sawi.

Rahul Gandhi chuan Mizo thalai tam tak te hna an neih loh thu leh, hei hian ruihhlo lamah thalai te pawh a hnuklut tih mithiamten an hrilh thu a sawi. MNF sawrkarnchu kum 5 chhung a hnathawh nei mumallo ah puhin, MNF in India ram mipuite thendarh tum a hmala BJP a zawm tlat pawh mak a tih thute a sawi.

Rahul Gandhi hi Aizawla Chanmari atangin Raj Bhavan Gate bul thleng ke in a kal a. Congress party bakah mipui tam takin zuiin mipui tam takin kawng tluanin an lo chang a. Mipuite thla te thla lakpuiin kawng lakah hian mi hrang hrang a kawm a, a kharna hun Raj Bhavan gate bulah buatsaih a ni.