ZALEN July 21, 2026 : Mizoram Pradesh Congress Committee (MPCC) te chuan vawiina Delhi Police ten Rahul Gandhi an man avangin zaninah khan Lok Bhavan kawtah an pung khawm.

ZALEN thudawn danin he thil thleng avang hian zanin dar 9 velah khan MPCC chuan Governor hnenah memorandum an theh lut.

Governnor hnena an lehkha thehluhah hian Union Education Minister Dharmendra Pradhan chuan a mawhphurhna pawmin rang takin banna a theh lut tur a ni an ti a. Exam chungchanga kal sualna leh sawrkarin zirlaite hmalakna humhalh tlin loh chungchang hi Parliament-ah kimchang taka sawiho tur a ni an ti a. Nimina Delhi-a thil thleng avanga zirlaite chunga FIR zawng zawng ziahte chu paih (withdraw) nghal turin an ti bawk.

The Indian Express in a tarlan danin vawiinah khan New Delhi-ah Congress party chuan May thlaa NEET exam zawhna put leh a kaihhnawiha lungawi lohna kal zelah Prime Minister Narendra Modi chenna 7, Lok Kalyan Marg-ah lungawi lohna an lantir. 

 He hmalaknaa inlan, Congress hruaitu Rahul Gandhi, Priyanka Gandhi Vadra leh party hruaitu dangte chu Delhi Police-in an man a. Congress party sawi danin an mi mante hi Model Town Police Station-ah hruai a ni.