August 2, 2023; Zirlaite hi kan tanrual chuan Kan hneh thei a ni tih thupui hmanga, All India Congress Committee hnuai a, State hrang hrang National Student's Union of India hruaitu te chu, New Delhi ah koh khawm niin. August ni 1 leh ni 2 hian, AICC Media Hall ah Meeting pawimawh tak neih a ni.

A ni khatna, nimin a NSUI Executive Body Meeting neih hi, Congress Leader Rahul Gandhi chuan telpuiin, zirlai hruaitute nen inkawm hona hun tha tak neiin. Rahul Gandhi chuan " Kan tun dinhmun thlir hian Thalai, Zirlaite'n hun thim tak Kan tawng mek a, BJP - Sorkar hian ram Mipuite min then hran a, hnam hnuai hnung zawk te min rapbet mek a, mi hausa leh rethei inkar a zau ta hle a, Manipur state chhunga thil thleng ah a lang chiang hle a ni. Chuvangin Zirlai te leh Thalai te'n kan hmalam hun ngaihtuah a huaisen taka Kan beih a ngai takzet ani" tiin zirlai hruaitu kalkhawm te a fuih a ni.

Mizoram NSUI a tang in he meeting pawimawh ah hian President RB Lalmalsawma leh General  Secretary te Jerome Bawlte  te pawh telin , NSUI President, RB. Lalmalsawma pawhin thu sawiin. 'Rahul Gandhi an India Mipuite in pumkhatna kawngzawh Bharat Jodo a huaihawt na a, zirlai hmeichhe naupang pakhat in Rahul Gandhi hnen a a lehkha thawn. 'Rahul , kal zel rawh, zirlai, thalai te tan, kan hmalam hun a tan leh India mipui te tan beizel rawh. I kiangah awm ve theilo mah i la, kan support tlat che a ni' tia, a lehkhathawn dawn. Mizoram atang pawh a an lo hriat ve thu sawi chhuakin, Gandhi Family chu Mizoram state te tak te ngaina tu chhungkua an nih thu leh a pi leh pu atanga an chhungkuain Mizoram chu an tlawhfo avanga, Mizoram mipuite pawhin Rahula te family chu an ngainat thu sawi chhuakin, Mizoram a zin turin a sawm nghal a. Rahul Gandhi pawhin, BJP, sorkar leh a thurual pui te paihthlak an ngaih a vangin Mizoram pawh rawn zin ngei tura ruahmanna Mizoram Pradesh Congress Committee (MPCC) hotute te nen an sawiho tawh thu sawiin Mizoram lo zin ngei a tum a ni.