Rajya Sabha MP atan K. Laltluangkima lakluh a ni
Tualchhung
Jul 20, 2026

ZALEN July 20, 2026 : Vawiin khan Mizoram Rajya Sabha MP atana thlan tlin K. Laltluangkima chu Parliament-ah rinawmna thu tiam tirin Rajya Sabha MP atana lakluh a ni. 



K. Laltluangkima chuan "Vawiin July ni 20, 2026 (Thawhtanni) hian Rajya Sabha-a Mizoram State aiawh tura lakluh ka ni ve ta a, Pathian chungah leh kan sorkar te, kan hruaitute leh Mizoram mipui zawng zawng chungah lawmthu ka sawi a ni." a ti.


Tarlan tawh angin Rajya Sabha MP thlanna hi June ni 18 khan Aizawl-a Assembly Annexe ah neih niin ZPM Candidate K. Laltluangkima hian Vote 26 hmu in Rajya Sabha MP atan hian thlan tlin a ni.

Latest News & Chhiar Hlawh