ZALEN August 31, 2026: Mizoram Rajya Sabha MP K. Laltluangkima chuan MJA te sawmna angin vawiin khan Aizawl Press Club-a tlawh a, President hovin member thenkhat ten MP hi an lo dawngsawng a, lawmpuina thilpek an lo hlan.

K. Laltluangkima chuan Inthlan hma khan MP a niha a ngaihpawimawh tur te zawh a ni fo a ti a, chhanna a pe ngai lem lo a ti. MP a lo ni takah chuan Infrastructure-ah pawh Road infrastructure chu a ngaihpawimawh hmasak tur a nih thu MJA member kalkhawm te hmaah hian a sawi.

Rajya Sabha MP chuan Mizoram chu North-east-ah pawh a kilkhawr ber an nih thu chu a member puite bula a sawi nasat thu a sawi a, chuvangin Mizo te inpholanna tur (exposure) lam a ngaih pawimawh dawn a ti a, hei hian Tourism industry thlenga hmasawnna turah a ngaih thu a sawi bawk.

Monsoon session hmang zova a rawn hawn atanga a rilru-a awm lian tak chu MP Office neih a nih thu a sawi a, Chief Minister hnenah pawh a thlen a, mipui dawr theiah an awm a ngai a ti a, Office an neih loh chuan protocol a awm theih loh thu a sawi. In leh lo nei lo anih avangin MP te hian quarter an neih pawh tul a tih thu sawiin, "Champhai atanga te, Lunglei atanga te pawhin MP an la awm thei chuvangin MP hian quarter an neih a ngai," a ti.