Professional footballer zingah hlawh leh hamthatna hrang hrang  duhawm zawk beisei vanga club hrang hranga awm lawr hi a hluar hle a, mahse ram khelhna bik erawh an thlak kual ngai vak lo thung.  Chutih rualin player hriathlawh tak tak eng emaw zat chu ram hnih ram thum tan an lo khel ve reng mai. 

Khua leh tui an nihna ram-ah chuan player ten an duh ber ram tan an khel thei a, FIFA lam hian a phal reng a, mahse dan zawm tur erawh an siam ve nual thung. 

Kum 2020 khan, an annual congress vawi 70-na ah FIFA chuan rules thar chi hrang hrang an siam thar a, siam that ngai an siam tha bawk a ni. 

Alfredo Di Stefano atang a Ferenc Puskas te, Michel Platini leh Diego Costa te hian ram hrang tan an khel kual thin a, an ni lo pawh hi player tha tak tak ram pakhat tan chauh lo a khel an awm nual a ni. Chung mite chu:

Diego Costa 
Costa hi Spain leh Brazil tan a khel kawp a,     Brazil tan kum 2013 khan khelin a tana tha tur zawk a nih ringin 2014 atang khan Spain tn khel tanin tun thlengin a la khel.

Alfredo Di Stefano
Argentina tan 1947 khan a inlan a, kum hnih hnu 1949-ah Colombia tan a khel leh a, a pathum nan kum 1957 leh1962
 inkar khan Spain tan a khel leh a ni.

Ferenc Puskas 
Hungary tan kum 1945-1956 khan Puskas hian a khel a, a hnuah Spain tan kum hnih chhung lek 1961-1962 khan a khel leh. 
Michel Platini 

Platini hi France leh Brazil tan a khel thin a, France hi a larpui zawk bawk. Kum 1986 khan Brazil tan a khel a, a bak zawng  kum 1976-1987 chhung khan Michel Platini hian France tan a khel a, Kuwait tan 1988 khan a inlan zawk bawk.

Florent Malouda
France leh French Guiana tana khel Florent Malouda hian a vanglai 2004-2012 khan France tan a khel thin a, a hnu kum 2017 khan French Guiana tan a khel ve leh. 

Declan Rice
Declan Rice hi England leh Republic of Ireland tan a khel thin a, Republic of Ireland tan inlan hmasa zawkin  2018 khan a khel a, a hnu kumah England tan khel lehin tun thlengin a la khel.    

Thiago Motta
Brazil: 2003
Italy: 2011-2016
Wilfried Zaha
England: 2012-2013
Ivory Coast: 2017-present
 Jermaine Jones
Germany: 2008
USA: 2010-2017
Munir El Haddai
Spain: 2014
Morocco: 2021-present