Aizawl July 30, 2024 : Vawiin hi Mizoram Baptist Kohhran hnuaia Thalai Kristian Pawl din champha vawi 73-na a ni a. Mizoram chhung leh pawna TKP Unit hrang hrang ten an mahni remchan dan angin an lawm. Kumin Thupui atan hian “I Pathian tawk turin inpeih rawh” Amosa 4:12 tih hman a ni.

TKP Day pual hian Unit thenkhat chuan Tuihawk luan kawr thenfai te, Tawih theilo bawlhhlawh chhar fai e, Thlan laih lawk hnatlang, vengchhung thenfai leh thil tul dangte tiin vantlang tana thil tangkai thawkin an hnatlang a. Unit tam tak chuan zingkarah hnatlang neiin chhun lamah infiamna hun an hmang a, tlai lamah TKP Day lawmnan ruai an kil a ni. TKP Day hi sawrkar chawlh (Holiday) a nih loh avangin Unit thenkhat chuan kar hmasa atang khan TKP Day pual hian Social Service neiin an lo hnatlang tawh bawk.

Mizoram TKP te hian inkaihhruaina mumal tak neiin TKP Day hian zan lamah Pathian Biak Inkhawm an nei thin a. Headquarters atanga tawngtai thupui awmsa hmanga tawngtai hona te neiin TKP Day thawhlawm pawh Pastor Bial kaltlangin MTKP-ah chhun khawm thin a ni a. Mission rawngbawlna leh MTKP hmalakna atan tangkai taka hman thin a ni.

Tunah hian Mizoram TKP hnuaiah Pastor Bial 95 awmin Unit 439 an awm mek a. Member 48793 (Mipa - 29791 & Hmeichhia - 19002) an ni.