ZALEN September 01, 2026 : Mualthuam N Tleirawl, H. Ramdinpuii that tu-a puh, Denghmingthanga chu nizan, zan lai dar 12 pelh hnu khan Lunglei Police te kut atangin a tlanchhuaka. Ngawrh taka zawn mek a ni.

Thulakna Zoen News in a tarlan danin Denghmingthanga hi thu zawh fiah turin nimin chhun khan District Jail Lunglei atangin Lunglei Police Stationah lak chhoh a ni a. Nizan zan lai dar 12 vel khan Lockup atangin a tlanchhuak.

Denghmingthanga Police Stationa a tlanchhuah hnu tukin tawngtai Inkhawm ban vel khan, Mausen khawtlang hruaitute chu Lunglei Police ten be pawpin, Lirthei tlan te lo endik turin an ngen a. An ngenna ang hian Mausen khawtlang hruaitute chuan lirthei 10 vel an endik hman. Amaherawhchu, Lunglei Police te vekin lo chawl rih tura an ngen angin tun dinhmunah chuan Mausen khawtlang hruaitute hi an duty tawh rih lo.

Denghmingthanga Police kut atanga a tlan chhuah dan chungchang chanchin kimchang hi Lunglei PS ah ngaihchan mek a ni.