Ramhlun North Branch KTP Golden Jubilee Theme song music video a chhuak hnai
Kum 2022 hi Ramhlun North Branch KTP kum 50 tlin kum Golden Jubilee a ni a, hemi pual hian an Branch KTP chuan Jubilee Theme song music video an siam. An jubilee theme song hi 'Lawmthu hril ru' tih a ni a, naktuk zan dar 9:00pm ah tlangzarh ani ang.

Kum 2022 hi Ramhlun North Branch KTP kum 50 tlin kum Golden Jubilee a ni a, hemi pual hian an Branch KTP chuan Jubilee Theme song music video an siam. An jubilee theme song hi 'Lawmthu hril ru' tih a ni a, naktuk zan dar 9:00pm ah tlangzarh ani ang.
He hla phuah tur hian Ramhlun North mi tho Chris M.S Dawngkima ruat a ni a, Bible chang Sam 118:1 leh 2Chr. 5:13-14 behchhanin 'Lawmthu hril ru' tih hla tha tak mai a rawn phuah chhuak ta a ni.
Theme song sa tur hian Ramhlun North Branch atanga zaithiam te leh Mizoram chhunga zaithiam lar tak tak te sawm an ni. Praise On atanga hriat hlawh zaithiam inkawp rem tak pathum - Arini Ralte, Cindy Lalthanpuii leh Zorinsanga Sailo te bakah Fiona Pachuau, Julie Vanlaltai leh Lalduhawma Zote ten an aw mawi tak an thawh bawk. Music hi Crosscraft te kutchhuak niin recording leh mixing pawh uluk takin EFX leh H.C Records ten an khawih bawk.
Best Music Video lawmman hial lo dawng tawh Benjamin Hnamte chu video director niin, music video lama sulsutu Siama (SVP) leh Marcus-a ten uluk takin video hi an khawih a ni. An music video hi local channel lamah en tur a awm dawn bakah YouTube lamah hmuh tur a awm bawk ang.
Latest News
-
Hnam lungphum i phum thar leh ang u – ZPM Leader
2m | Feb 01, 2023 -
BJP Mizoram Thalaiin CM Zoramthanga thusawi zahthlak ti
1m | Feb 01, 2023 -
Zoramthanga Mau Chi tha mi chin project a hlawhchham lailet der – MPYCC
1m | Feb 01, 2023 -
MSSSB chairman pisa kai tur Zirlaiten an dang
1m | Feb 01, 2023 -
Pre paid smart meter la hmang thei lo; Hmang turin P&E inbuatsaih mek
2m | Feb 01, 2023 -
Mizoram tlawhtu pung; 2022-23-ah 1,64,048 awm tawh
2m | Feb 01, 2023