March 5, 2023; Zanin dar 7 rik hma deuh khan Assam leh Mizoram ramri venga Buarchep, Oil Palm Camp hmun a duty Havildar Bimalkanti Chakma chuan a duty pui Havildar pahnih a kaphlum.

ZALEN thudawn danin, inkahna thlenna hmun hi Buarchep, Oil Palm Camp hmunah a ni a, an inkah chhan hi chiang taka hriat theih a la ni lo a, a kap tu Bimalkanti Chakma hi a rui hle nia sawi niin, a kahhlum tak a havildar pui pahnih te nen hian 2nd Bn. MAP an ni.

Bimalkanti Chakma hi Lunglei, Luangmual a awm niin, a silai hman hi M 16 rifle nia hriat a ni a, J. Lalrohlua (51) s/o Kheniapa, Lawngtlai Chandmary chu a hmunah a thi nghal a, Indra Kumar Rai, Lawngtlai lam mi tho nia hriat chu Vairengte damdawiin thlenpui a nih hnu lawkah a boral ve leh bawk. 

He thu ziahlai thleng hian a hmun a boral J. Lalrohlua ruang chu Vairengte damdawiin thlenpui a la ni lo a, an pahnih ruang hi postmortem turin Aizawl panpui an ni dawn nge, naktuk lam a Vairengte damdawiin a postmortem tur tih ah thutlukna siam fel a la ni lo.