Aizawl: Mizoram leh Assam ramri enfiahtu Joint Verification Team on Inner Line Reserve Forest chuan Zophai leh a chhehvel a dan lo a Inner Line Reserve Forest area chhunga in sakte an endik mek a, hna chak zawka a kal theih nan team 4-ah insiam a ni. Joint verification team hian ni 13.4.2018 (Zirtawpni) khan an enfiahnaah dan loa in sak 74 an hmuchhuak a, heng zingah hian Assam IR post in 5, mandir 1 pawh a tel nia thudawn a ni. Ni hnih chhung Inner Line Reserve Forest area chhunga dan loa construction awm Zophai Area endiknaah hian a vaiin in 108 hmuh chhuah a ni tawh a, in bakah hian leilet leh plantation eng emaw zat hmuh a ni bawk a ni. Zophai area lam hi chawlhsan rih phawt tur a ni a, thuneitute lamin tul an tih chuan endik hmabak la awm hi la endik leh tur a ni. Joint verification team hian tun kar chhung hian dan loa construction awmte enfiah an tum.