Tun hnai khan India leh China sipaite chu ramriah an intibuai a, hliam pawh eng emaw zat an awm nia sawi a ni. Buaina hi Thawhlehni khan Tawang sector, Arunachal Pradesh-ah a chhuak a, buaina liam tham a chhuah hmain an inthathen a ni. 

Hetih lai hian ram pahnih sipai zingah hian hliam tuar eng emaw za an awm ve ve nia sawi a ni a, thi erawh an awm lo thung.
Hemi chungchang ngaihtuah hian Union Home Minister Amit Shah chuan meeting a ko a, an thurel erawh hriat theih a ni lo. 
India chuan, China sipaite hian India ram an rawn lut niin a sawi a, kir turah an intihna lamah an innawr buai zui ta a ni. Ram pahnih sipaite hi buaina a nasat hmain an insaseng thung. 

India leh China sipaite hi kum 2020 khan ramriah hian nasa takin an lo intibuai tawh a, hemi tum hian sipai mi 24 vel an thi nia tarlan a ni. Hemi hnu hian buaina a chhuak zui lo vang vang a, tun hnaiah erawh thawm an nei leh tan ta a ni.