Aizawl June 26, 2024 : Forest department chuan thuchhuah siamin nungcha, Wild animal (Exotic leh nature) phalna neilova vulh/khawi thin te chuan he thuchhuah anih atanga thla khat ral hma ngeiin Deputy Conservator of Forest, Aizawi Wildlife Division hnenah in report vek turin a hriattir.

Forest Department Aizawl Wildlife Division chuan tun laiin nungcha chi hrang hrang, Wild animal (Exotic leh nature) phalna nei lova lo vulh/kawi tiam in, dan phal loha mahni duh dan dan a In lama khawi/vulh an awm ta nual tih hriat a ni a, hetiang thil hi Environment Forest and Climate Change Department, Mizoram chuan a ngai thutak hle a, hetiang a nungcha lo khawi/vulh hi, The Wildlife (Protection) Act, 1972 Section 39 & 40 dan kalh tlat anih avang in pawisa chawi tir leh Jail zan theihna hial anih a vangin hetianga nungcha lo khawi a, lo vulh hi tí tawhlo turin an hriattir.

"Phalna neilova hetianga nungcha lo vulh/khawi thin an awm anih chuan he thuchhuah anih atan a thla khat ral hma ngeiin Deputy Conservator of Forest, Aizawi Wildlife Division hnenah in report vek tur a hriattir kan ni. Hun tiam chhunga in report lo te man chhuah an nih chuan an chungah Dan anga action lak nghal ani ang," an ti.

Mizoram rohlu-an ramngaw leh mungcha te nasa leh zuala humhalh kawngah mipuiye thawhpai zel turin Environment Forest and Climate Change Department, Mizoram chuan NGOs te leh mi zawng zawng a ngen nawn leh a ni.

Tin, hetianga ramsa dan love vulh/khawi hria kan awm a nih chuan, a hnuaia mobile number ah te hian report tur a ni.

1. Margaret Lalramchhani [DCF (WL)]

2. C. Chawnghmingliana [ACF(WL)]

3. Bathsebi Lalremruati [RO(AZP)]