ZALEN March 20, 2026: National Insurance Company Ltd. leh AH&Vety Department tangkawp ten vawiin khan Veterinary Conference Hall, Mamit ah Ran Insurance chungchang inhrilhfiahna hun an hmang.

He hun hi Dr. Saipari Sailo, District AH & Veterinary Officer, Mamit chuan a kaihruai a. Ranvulhtute leh Society thenkhatte he hun hmang tura koh khawm an nih thu a sawiin, Animal Insurance hi department tan pawh thil thar a ni a, sawrkarin a ngaipawimawh hle tih a sawiin, he department hi a mamawhtute tan an awm reng tih a sawi.

National Insurance Company atangin mithiam ten ranvulhtu kalkhawte hmenah zirtirna an pe a. Tun dinhmunah Mizoram tan Ran Insurance a hman tur cheng nuai 66 a lo kal a, a tul dan anga hman phawt a nih tur thu a sawi. ASF len lai khan NIC, Vety, MzSLRM leh MRB te nen tangkawpin Insurance an lo pe tawh tih a sawi bawk.