Aizawl: AH&Vety Minister C. Ngunlianchunga chuan, “Sawrkarin deptt.-ah rinna nghat a, kan department chante neitu dik tak thinlung pua kan thawh theih chuan kan ram hi ran vulh kawngah kan intodelh thei a ni,” a ti. He thu hi Mizoram Veterinary Association-in  Convention Centre, Tourism Complex, Berawtlang-a 34th Annual General Conference an hmannaah a sawi a ni. Minister chuan, “Sawrkar thil tum a taka thawktuten kan hlawh chauh um lova, mipui tana kan thiamnate tam zawka hmang turin tan kan lak lehzual pawh a tul a. Chutih rual chuan, ram dang atanga bawng, vawk, artui kan lak luh thinte la lut tawh lova, kan ram a intodelh theih nan tan lak lehzual a tul tak zet a ni,” a ti a. “Zoramin hmel thar a hmuh theih nan change i thlentir ang u,” tiin Zirtawpnia inkhawmpuiah chuan a sawi bawk. Dr. C. Vanlalramsanga, Planning Secretary chuan AH&Vety leh NEDP inkungkaihna presentationa pe bawk.