ZALEN November 3, 2023 : Food, Civil Supplies & Consumer Affairs Department chuan vawiin khan thuchhuah siamin Ration Card hmang ngai lo tan Not Entiled for Ration (NER) card-a thlak theih a nih thu an tarlang.

FCS&CA chuan an hnuaia ration buhfai hi miharsa zualte ei leh bara chhawmdawlna tur a ni an ti a. Amaherawhchu Ration Card hi thil hrang hrangah document atana hman tulna a awm thin avangin ration buhfai la ngai lote pawhin Ration Card an neih ve hi a ngai thin a ni, an ti.

Hetianga ration la ngai lo te tan hian, Not Entitled for Ration (NER) ration card a awm a, mahni Ration Card neihsa NER a thlak duh te tan FCS&CA Department official website fcsca.mizoram.gov.in/ ah online in office dawr kher ngai lovin a dil theih tih an thuchhuahah hian an tarlang.